Joan den ekainaren 29an, Turismo, Merkataritza eta Kontsumoko sailburu Javier Hurtado, Ekonomia eta Gizarte Arazoetarako Batzordeko  (EGAB) Osoko Bilkuran agertu zen Turismoaren Lege Aurreproiektuaren helburuak eta neurri nagusiak azaltzeko.

Sailburuarekin batera, Turismo eta Merkataritzako sailburuorde Jakes Aguirrezabal, saileko aholkulari Jesús García de Cos eta Kabinete eta Komunikazioko zuzendari Silvia Colmenero izan ziren.

Agerraldi horri esker, Osoko Bilkurako kideek zuzenean ezagutu ahal izan dute etorkizuneko erregulazioaren edukia eta asmoa, bai eta — galdera-txanda baten bidez — interes handieneko alderdietan sakondu ere, eta horrek erraztu eta aberastu egingo ditu Kontseiluak datozen asteetan, formalki aztertu ondoren, emango duen nahitaezko irizpena egiteko lanak.