Bilbon, 2026ko ekainaren 26an. Euskadiko Ekonomia eta Gizarte Arazoetarako Batzordeak Elikadura, Landa Garapen, Nekazaritza eta Arrantzako Sailak prestatutako “Nekazari gazteen estatutua arautzen duen eta Nekazari gazteen estatutuari buruzko otsailaren 4ko 8/2014 Dekretua indargabetzen duen Dekretu Proiektuari” buruzko txostena egin du. Erantzunean, Batzordeak egokitzat jotzen du izapidetzea, aldaketak sartzeko egindako gogoetekin.

Arauaren xedea nekazari gazteen estatutua arautzea da. Estatutu horren barruan sartzen dira gazteak nekazaritza-ustiategi profesionalen titular gisa sartzea eta jarraitzea bultzatzeko jarduketak.

Batzordearen ustez, dekretu berria egitea eta aurrekoa indargabetzea komeni bada ere, hobetu nahi diren alderdien justifikazioa eta zehaztapena falta dira, baita aipatzen diren neurriena ere, eta, beraz, horiek sartzea iradokitzen da.

Euskadiko Ekonomia eta Gizarte Arazoetarako Batzordeak beharrezkotzat jotzen du abenduaren 23ko 17/2008 Legean aurreikusitako nekazaritza-lurrak eskuratzeko neurriak indartzea, eta gai hori ez da jasotzen Dekretu Proiektuan. Ildo horretan, aurreko dekretuan jasotzen zen herri-aprobetxamenduetarako eta mendi publikoetarako sarbideari buruzko erreferentzia berreskuratzea proposatu du, bai eta euren jardueraren lehen bost urteetan GAZTENEK proiektuak dituzten gazteentzat onartutako hektarea-erreserba espezifiko bat sartzea ere.

Proposamenak lursailen erreserba hori mendi publiko eta komunalen esleipen arrunten osagarri gisa banatzea planteatzen du, sektorean sartu berri diren gazteei laguntza ekonomiko gehigarria emateko. Batzordearen iritziz neurri horrek ustiategien bideragarritasuna hobetzen lagunduko luke, errentagarritasun-maila txikiagoak dituen etapa bereziki sentikorrean. Erreserba-mekanismoa dekretu bidez sartzeak aukera ematen dio Mendi Publikoen edo Herri Basoen Agintaritza Kudeatzaileari araudi bidez gazteak gune horien erabiltzaileengana biltzea komeni den ala ez planteatzeko.

Laguntza-sistemari dagokionez, Euskadiko EGABek adierazi du dekretu proiektuak nekazaritza-ustiategien titulartasunean eta banakako edo elkarteetako ekintzailetza-formuletan jartzen duela arreta. Hala ere, uste du testuak besteren konturako jarduera nekazaritzaren sektorean garatzen duten gazteen egoera ere hartu beharko lukeela kontuan, eta neurri espezifikoak sartu beharko lituzkeela, bai gazteak nekazaritzan sar daitezen, bai jarduera horretan jarrai dezaten.

Era berean, Batzordeak bere erreserbak erakutsi ditu nekazaritzako ustiategietan ordezkapen-zerbitzuak betetzeko gizarteratze- eta laneratze-enpresak bultzatzeko aurreikuspenari dagokionez. Batzordearen iritzi, formula horrek zailtasunak ditu parte-hartzaileen laneratze egonkorra bermatzeko; izan ere, enpresa horien helburua ondoren lan-merkatu arruntera sartzea erraztea da, eta hori ez da behar bezala bermatzen dekretuak planteatutako eremuan.

Azkenik, Euskadiko EGABek ohartarazi du arauaren funtsezko alderdiak ez direla behar bezala zehazten, eta sarritan igortzen direla etorkizuneko erregelamendu-garapenetara. Erakundeak beharrezkotzat jotzen du funtsezko kontzeptuak zehaztasun handiagoz definitzea, hala nola nekazari gazteentzako aurreikusitako lehentasunezko tratamenduaren irismena, eta testuari konpromiso zehatzagoak eta operatiboagoak ematea, aurreikusitako neurrien eraginkortasuna bermatzeko.

5/26 Irizpena

The post Euskadiko EGABen irizpena nekazari gazteen estatutua arautzen duen dekretu proiektu berriari buruz appeared first on CES Vasco.

Bilbon, 2026ko ekainaren 15ean. Euskadiko Ekonomia eta Gizarte Arazoetarako Batzordeak Ongizatea, Gazteria eta Erronka Demografikoa Sailak egindako “Nazioarteko Adopziorako Batzorde Teknikoa eta nazioarteko adopziorako bitartekaritza-erakundeen akreditazioari eta funtzionamenduari buruzko dekretu-proiektua” izenekoari buruzko txostena egin du. Bere erantzunean, Batzordeak egoki gisa hartzen jotzen du izapidetzea, hura aldatzeko egindako gogoetekin.

Arauaren xedea nazioarteko adopziorako egiaztatutako bitartekaritza-erakundeen egiaztapen-betekizunak, funtzionamendu-araubidea eta administrazio-kontroleko prozedurak ezartzea da, baldin eta erakunde horiek egoitza EAEn badute eta beste herrialde batzuetatik datozen adingabeen adopzio-prozesuetan bitartekaritza-funtzioak betetzen badituzte. Era berean, Nazioarteko Adopziorako Batzorde Teknikoaren osaera, betebeharrak eta funtzionamendu-araubidea garatzen dira.

Batzordeak positibotzat jotzen du ekimena, indarrean dagoen araudia eguneratzeko eta estatuko araudi berrira eta umeen babes integraleko printzipioetara egokitzeko aurrerapausoa baita. Hala ere, nazioarteko adopzioak garrantzi sozial, juridiko eta gizatiar berezia duenez, Euskadiko EGABek beharrezkotzat jotzen du gardentasunarekin, kontrol publikoarekin, parte-hartze sozialarekin eta adingabeen eta familia adoptatzaileen akonpainamendu espezializatuarekin erlazionatutako zenbait alderdi indartzea.

Besteak beste, Euskadiko EGABek funtsezkotzat jotzen du familiak prestatzea bazterketa-prozesuak saihesteko bai eta adoptatutako adingabeek arraza-diskriminazioa, identitate-gatazkak eta kultura-erreferenteak galtzea jasan ez dezaten. Hori dela eta, kulturartekotasunean, etnia- eta arraza-nortasunean, arrazakeriaren prebentzioan eta jatorrizko kultura-loturei eustean oinarritutako aldez aurreko prestakuntza proposatzen da.

Horrez gain, Batzordeak Eusko Jaurlaritzaren kontrol-, ikuskapen- eta jarraipen-sistema indartzea planteatzen du espedienteen izapidetzeari dagokionez, kalitate-adierazleak, izapidetzeko batez besteko denborak eta ikuskapen-jarduketen emaitzak barne.

Nazioarteko Adopziorako Batzorde-Teknikoari dagokionez, EGABek familia adoptatzaileen elkarteetako ordezkariak, umeen babesean espezializatutako gizarte-erakundeak, nazioarteko adopzioan adituak diren pertsonak eta umeen traumetan eta kultur aniztasunean espezializatutako profesionalak sartzea proposatu du, hitzarekin baina botorik gabe.

The post Euskadiko EGABen irizpena Nazioarteko adopziorako bitartekaritza-erakundeen akreditazioari eta funtzionamenduari buruzko dekretu-proiektuari buruz appeared first on CES Vasco.

Bere parte-hartzean, Jaurlaritzaren aurreikuspen ekonomikoak egiteko ardura duen taldeak hiru multzo handitan egituratu zuen azterketa. Lehenik eta behin, Euskadik Estatuan eta Europan duen egoera aztertu zuten, eta bere aberastasunaren eta ongizatearen adierazleen sendotasuna nabarmendu zuten.

Ondoren, 2026ko lehen hilabeteetan jarduera ekonomikoak izan duen portaera aztertu zuten. Aldi horretan egonkortasuna izan zen ezaugarri nagusia, baina desazelerazio globalak eta ziurgabetasun geopolitikoak baldintzatuta. Azkenik, Irango gatazkaren eta Ormuzko itsasarteko tentsioen eragina izango duten datozen hilabeteetarako aurreikuspenak azaldu zituzten.

The post Eusko Jaurlaritzak Euskadiko ekonomiaren egungo egoera eta aurreikuspenak azaldu ditu Ekonomia eta Gizarte Arazoetarako Batzordean appeared first on CES Vasco.

Euskadiko Ekonomia eta Gizarte Arazoetarako Batzordeak Ongizate, Gazteria eta Erronka Demografikoko Sailak egindako “Aisialdi hezitzaileko eta denbora libreko jardueren dekretu-proiektua” izenekoari buruzko txostena egin du. Bere erantzunean –eta eskatutako beharra eta premia kontuan hartuta–, Batzordeak egokitzat jotzen du izapidetzea, betiere hori aldatzeko egindako gogoetak kontuan hartzen badira, Kontsiderazio Orokorretan jasotakoak, batez ere.

Arauaren xedea da Euskal Autonomia Erkidegoan ume eta gazteentzako egiten diren aisialdi hezitzaileko eta denbora libreko hezkuntzako jardueren antolaketa eta garapena arautzea, hau da: kanpaldia, kanpaldi ibiltaria edo ibilbidea, auzolandegiak, udalekuak edo udaleku irekiak.

Euskadiko EGABek positibotzat jotzen du arau-ekimena, indarrean dagoen arau-esparrua eguneratzea eta sektoreko gizarte-, hezkuntza- eta antolaketa-errealitate berrietara egokitzea dakarrelako. Era berean, garrantzitsutzat jotzen du umeen eta nerabeen babesa indartzea, bai eta araututako jardueren kalitatea eta segurtasuna hobetzen aurrera egitea ere.

Hala ere, Batzordearen iritziz, testuak ez ditu behar bezain sakon lantzen behar bezala garatzeko garrantzitsuak diren hainbat gai, eta, gainera, zenbait alderdi argitu behar ditu.

Dekretu-proiektuan aurreikusitako betekizunei dagokienez, zioen azalpenean helburutzat dauden betebeharrak argitzea eta sinplifikatzea proposatzen badu ere, testuaren azterketatik ondorioztatzen da proposatutako neurriek ez dutela sinplifikazio horretan laguntzen, praktikan, administrazio-karga eta erakundeei eta taldeei eskatzen zaizkien baldintzak handitzea dakartela.

Ildo horretan, Batzordeak aintzat hartzen ditu erakunde horiek aspalditik Euskadin izan duten ibilbidea eta eginkizun soziala, eta ohartarazten du prozedura eta betebehar berriak sartzeak zailtasun gehigarriak sor ditzakeela, batez ere denbora gehiago bideratzeko eta ezagutza tekniko espezifikoak izateko beharrarengatik. Horregatik, baldintzak argitzea, horiek betetzea erraztuko duten mekanismoak ezartzea, hiru lurralde historikoetarako tresna komuna ezartzea eta arreta-kanal irisgarriak eta erreferentziazko pertsonak bermatzea proposatzen da, erakunde horien beharrei laguntzeko eta erantzuteko.

Aurreikusitako hizkuntza-normalizazioari dagokionez, Batzordeak bat egiten du parte-hartzaileen hizkuntza-eskubideak sustatzeko eta bermatzeko helburuarekin. Hala ere, beharrezkotzat jotzen du aisialdi hezitzaile eta denbora libreko erakundeetako langileen hizkuntza-gaitasunei buruzko betebeharraren irismen juridikoa argitzea; izan ere, dekretuak enpresa-ekimen askeko araubidean, ekimen publikoko araubidean eta gizarte-ekimeneko araubidean gauzatzen den jarduera bat arautzen du.

Gainera, adierazten da testuak ez duela zehazten zer hizkuntza-gaitasun maila eska daitekeen, ezta zer hizkuntza-eskakizuni eragiten dion ere, eta ez duela akreditazio- edo egiaztatze-mekanismorik ezartzen. Araudia ez zehazteak ziurgabetasun juridiko nabarmena sortzen du, batez ere aplikatu beharreko zehapen-araubidea kontuan hartuta. Horregatik, Batzordeak beharrezkotzat jotzen du berariaz argitzea zer ulertzen den EAEko bi hizkuntza koofizialetako hizkuntza-gaitasuntzat, eta jarduera hasteko eta horrekin jarraitzeko gaitzen duen betekizuna diren.

Berdintasunaren eta indarkeria matxisten prebentzioaren arloan, EAEko EGABek positibotzat jotzen du printzipio horiek Dekretu Proiektuan sartzea, baina uste du 5. eta 17. artikuluen egungo idazketa orokorregia dela, eta horrek zaildu egiten duela horien aplikazio eraginkorra, gainbegiraketa eta galdagarritasuna.

Horregatik, 5. artikuluaren edukia indartzea proposatzen du, hezkidetzari, langileen berariazko prestakuntzaren betebeharrari, material eta dinamika ez-sexisten erabilerari eta estereotipoen prebentzioari buruzko berariazko aipamenen bidez. Era berean, neurri horiek aplikatzera behartuta dauden subjektuak zehaztea eta neurri horiek betetzen direla egiaztatzeko edo ebaluatzeko gutxieneko tresnak aurreikustea gomendatzen da.

17. artikuluan aurreikusitako indarkeria matxistaren, sexu-jazarpenaren eta sexuan oinarritutako jazarpenaren aurkako protokoloei dagokienez, Batzordeak beharrezkotzat jotzen du protokolo horien nahitaezko izaera, gutxieneko edukiak, arduradunak edo erreferenteak, langileen berariazko prestakuntza eta familiekin, zerbitzu publikoekin eta agintaritza eskudunarekin koordinatzeko mekanismoak zehaztea. Zehaztasun handiago hori prebentzioaren eta arreta egokiaren ikuspegiarekin lerrokatzen da.

Amaitzeko, Euskadiko EGABek desgaitasunak dituzten pertsonek jarduera posibleetan eta askotarikoetan parte hartzea aurreikusten duen neurri edo araudi bati nahikotasunez ekitea iradokitzen du. Kasu horretan, erakundeei eskatzen zaizkien baldintzak alda daitezke eta aldatu egin behar dira. Jardueretan parte hartzen duten langileei eskatzen zaizkien prestakuntza-baldintzak behar bezala zehaztu behar direla ere iradokitzen du.

Euskadiko Ekonomia eta Gizarte Arazoetarako Batzordeari buruz

Euskadiko Ekonomia eta Gizarte Arazoetarako Batzordea Eusko Jaurlaritzaren eta Eusko Legebiltzarraren erakunde aholku-emailea da, Euskal Autonomia Erkidegoko politika ekonomiko eta sozialean interes ekonomikoek eta sozialek duten parte-hartzea eraginkorra izan dadin. Bere izaeraren arabera, eginkizun hauek dagozkio, besteak beste: Eusko Jaurlaritzaren ekonomia- eta gizarte-politikaren arloko arau-proiektuei eta plan orokorrei buruzko nahitaezko txostenak prestatzea, eta Eusko Jaurlaritzari gai horri buruzko proposamenak egitea.

3/26 Irizpena

The post EAEn egiten diren aisialdi hezitzaile eta denbora libreko jardueren (kanpalekuak/udalekuak) Dekretu-proiektuari buruzko Euskadiko EGABen irizpena appeared first on CES Vasco.

Euskadiko Ekonomia eta Gizarte Arazoetarako Batzordeak Ekonomia, Lan eta Enplegu Sailak egindako “Euskal Autonomia Erkidegoko desgaitasuna duten pertsonen enplegagarritasunarekin loturiko programak eta zerbitzuak eta Enplegu-zentro berezien Euskal Erregistroa arautzen dituen Dekretu-proiektua” izenekoari buruzko txostena egin du. Bere erantzunean, Batzordeak egokitzat jotzen du araua izapidetzea, aldatzeko egindako gogoetekin.

Arauaren xedea Eusko Jaurlaritzak Lanbide-Euskal Enplegu Zerbitzu Publikoaren bidez desgaitasuna duten pertsonen enplegagarritasunarekin erlazionatuta eman ahal izango dituen dirulaguntzen eta zerbitzuen programak arautzea da, lan-jarduera egonkor eta kalitatezkoan laguntzea eta sartzea sustatzeko, bai eta pertsona horien enpleguari eustea bultzatzeko ere. Halaber, Dekretu honen xedea Enplegu-zentro Berezien (EZB) Euskal Erregistroa arautzea ere bada.

Dekretu proiektuaren helburua Euskadin desgaitasuna duten pertsonen enplegagarritasun programen eta zerbitzuen erregulazioa 152/2023 Dekretuaren ondorengo araudira egokitzea eta hura ordezkatzea da. Gainera, operatiba hobetzeko, laguntzen kudeaketarako eta baliabideen esleipenerako doikuntzak egiten ditu. Ez dakar erregulazio berritzailerik programen tipologiari dagokionez, eta indarrean jarraitzen dute Batzordeak 152/2023 Dekretuari buruz egindako gogoetek.

Arauaren helburua desgaitasuna duten pertsonen enplegu-aukerak eta lanbide-sustapena sustatzea da, enplegua lortzeko, mantentzeko eta itzultzeko beharrezkoak diren laguntzekin, eta hori positibotzat jotzen da. Hala ere, EGABen iritziz, desgaitasunen bat duten pertsonen enplegua (enplegu babestua barne) errazteko dauden mekanismoen azterketan sakontzeko aukera galtzen da.

Ildo horretan, EZBen lana aintzatesten da integrazio-tresna gisa, baina lan-merkatu babestutik merkatu arrunterako igarobide gisa duen funtzioa azpimarratzen da. Horregatik, EGABek azpimarratu du desgaitasuna duten pertsona guztiak enplegu arruntera igaroko direla bermatzeko beharrezkoak diren mekanismo guztiak artikulatu behar direla EZBetatik eta programei atxikitako enpresetatik eta, beraz, inplikatutako eragile guztiek igarotze horren emaitzak hobetzeko urratsak eman behar dituztela.

Testuak kontrataziora eta lanpostuak egokitzera eta oztopoak ezabatzera mugatzen ditu enplegu arrunterako dirulaguntzak, eta, Desgaitasuna duten pertsonen eskubideei buruzko konbentzioaren aginduak kontuan hartuta, hori ez da nahikotzat jotzen. Horregatik, jarduketa-ildoak zabaltzea proposatzen da, praktiketako programetarako laguntzen bidez, LHko eta Unibertsitateko ikasle desgaituentzako beken bidez; lan-merkatu arruntean laneratzen laguntzen duten programa esperimentaletarako laguntzen bidez –malgutasuna edo telelana, adibidez–, eta, hirugarrenik, desgaitasuna duten pertsonen enplegu autonomoaren laguntzarako lerro espezifiko baten bidez.

Era berean, Batzordearen iritziz, kolektiboaren berezitasuna kontuan hartuta, lanaldi osoko kontratazioa bultzatu behar da, eta EEEetan desgaitasuna duten pertsonen lanpostuei eusteko dirulaguntzak enpleguaren kalitate-estandarrak betetzearen baldintzapean egotearen garrantzia ere azpimarratu du. Estandar horiek kontratu-egonkortasuna, soldata-baldintzak eta hitzarmen kolektiboa betetzea dira.

Batzordeak azpimarratu du beharrezkoa dela lan-baldintzak hobetzea, negoziazio kolektiboaren bidez, enplegu-modalitate guztietan, bai eta politika horien emaitzak ebaluatu behar direla ere. Horretarako, informazio- eta estatistika-sistema bat sartzea proposatzen da, datu bereiziak dituzten laneratzean ematen diren aurrerapenak neurtu ahal izateko, bai eta desgaitasuna duten langileen erreserba-kuota betetzearen, kuota hori ez betetzeagatiko zehapenen eta erreserba-kuotak ordezko neurrien bidez betetzen dituzten enpresen kopuruaren jarraipena egiteko ere.

Azkenik, EGABek egokitzat jotzen du pizgarriak desgaitasun-maila handiagoa edo desgaitasun mota jakin batzuk dituztelako lan-munduan sartzeko zailtasun handienak dituzten pertsonen kontratazioan biltzea eta areagotzea.

Batzordeak, gainera, zenbait gogoeta espezifiko egiten dizkio testuari, besteak beste, desgaitasuna duen pertsona definitzeari buruzkoa. Ildo horretan, Euskadiko EGABen iritziz, Estatuko oinarrizko araudia kontuan hartuta, desgaitasuna duten pertsonen karakterizazioa/sailkapena hobetu liteke, duten desgaitasun motaren arabera, eta, beraz, hori dela eta laneratzeko zailtasun handiagoak dituzten edo ez ondorioztatu, eta zailtasun hori bereziki desgaitasunaren ehunekoari lotu beharko litzaiokeela.

Euskadiko Ekonomia eta Gizarte Arazoetarako Batzordeari buruz 

Euskadiko Ekonomia eta Gizarte Arazoetarako Batzordea Eusko Jaurlaritzaren eta Eusko Legebiltzarraren erakunde aholku-emailea da, Euskal Autonomia Erkidegoko politika ekonomiko eta sozialean interes ekonomikoek eta sozialek duten parte-hartzea eraginkorra izan dadin. Bere izaeraren arabera, eginkizun hauek dagozkio, besteak beste: Eusko Jaurlaritzaren ekonomia- eta gizarte-politikaren arloko arau-proiektuei eta plan orokorrei buruzko nahitaezko txostenak prestatzea, eta Eusko Jaurlaritzari gai horri buruzko proposamenak egitea.

2/26 Irizpena

The post Desgaitasuna duten pertsonen enplegagarritasunarekin eta enplegu-zentro berezien erregistroarekin erlazionatutako programak eta zerbitzuak arautzen dituen dekretu-proiektuari buruz emandako irizpena appeared first on CES Vasco.

Euskadiko Ekonomia eta Gizarte Arazoetarako Batzordeak (EGAB) Akitania Berriko Ekonomia, Gizarte eta Ingurumen Kontseiluaren (CESER) ordezkaritza bat hartuko du hilaren 29an, Bilbon duen egoitzan. Topaketa bi erakundeek duela bi hamarkada baino gehiagotik bi lurraldeen erronka komunei heltzeko duten aldebiko lankidetza akordioaren esparruan egin da.

Foroa Javier Muñecas Euskadiko EGABeko presidenteak inauguratuko du, Yves Jean Akitania Berriko CESEReko presidentearekin batera, eta lurraldeen arteko lankidetzan oinarrituko da, hainbat esparru estrategikotan, zientzian, teknologian eta berrikuntzan, besteak beste.

Jardunaldiaren egitarauak bi hitzaldi biltzen ditu. Lehenengoa Leyre Azconari, Akitania Berria – Euskadi – Nafarroa Euroeskualdeko zuzendari nagusiari, egokituko zaio, eta zientzia, teknologia eta berrikuntzaren arloan mugaz gaindiko lankidetzaren garrantzia jorratuko du, Akitania Berria – Euskadi – Nafarroa Euroeskualdea erreferentziatzat hartuta.

Ondoren, Laurent Simon Akitania Berriko CESEReko kontseilari eta “Behaketa eta prospektiba” ataleko kideak hartuko du hitza –modu telematikoan–, adimen artifizialak eraldaketa ekonomiko eta sozialeko prozesuetan planteatzen dituen erronketan sakontzeko. Jardunaldiari amaiera emateko, galderetarako eta elkarrizketarako tartea izango da, partekatutako erronkei eta lankidetza aukerei buruzko ikuspegiak trukatzeko.

Euskadiko Ekonomia eta Gizarte Arazoetarako Batzordeari buruz

Euskadiko Ekonomia eta Gizarte Arazoetarako Batzordea Eusko Jaurlaritzaren eta Eusko Legebiltzarraren erakunde aholku-emailea da, Euskal Autonomia Erkidegoko politika ekonomiko eta sozialean interes ekonomikoek eta sozialek duten parte-hartzea eraginkorra izan dadin. Bere izaeraren arabera, eginkizun hauek dagozkio, besteak beste: Eusko Jaurlaritzaren ekonomia- eta gizarte-politikaren arloko arau-proiektuei eta plan orokorrei buruzko nahitaezko txostenak prestatzea, eta Eusko Jaurlaritzari gai horri buruzko proposamenak egitea.

The post Euskadiko EGAB eta Akitania Berriko CESER Erakundeek lankidetza-esparrua indartuko dute Bilbon appeared first on CES Vasco.

Erredakzio batzordeak bi bilera egin ditu dagoeneko –urtarrilaren 21ean eta martxoaren 24an–, eta horietan 2025ean Euskadiren errealitate ekonomikoa eta soziala sakon ulertzeko funtsezko argitalpen horren hainbat kapitulu definitu dira.

Izan ere, EGABen Memoria Sozioekonomikoak gure Autonomia Erkidegoko datu sozioekonomiko nagusien ikuspegi panoramikoa ematen du urtero herritarrentzat interesgarriak diren eremu guztietan (osasun-sistema, gizarte-babesa, lan-merkatua, kontu publikoak, ingurumena, zientzia eta ikerketa, etab.).

Datu ofizialen bilduma sakona izateaz gain, dokumentuak datu horiek denboran duten bilakaeraren testuinguruaren araberako azterketa egiten du. Epe luzerako ikuspegi hori funtsezkoa da plangintza estrategikorako eta erabakiak hartzeko.

Memoriaren balio bereizgarria Euskadiko Ekonomia eta Gizarte Arazoetarako Batzordea osatzen duten eragile sozial eta ekonomikoen arteko adostasunetik sortutako kontsiderazioetan datza. Deliberazio eraikitzaileko prozesu horrek dimentsio praktikoa ematen dio dokumentuari, eta ezinbesteko tresna bihurtzen du arduradun politikoek eta herritarrek, oro har, hausnarketarako eta ekintzarako oinarri sendoa izan dezaten.

Argitaratutako memoriak

The post Abian da 2025eko Memoria Sozioekonomikoa appeared first on CES Vasco.

Euskadiko Ekonomia eta Gizarte Arazoetarako Batzordearen martxoaren 16ko osoko bilkurak Zientzia, Unibertsitate eta Berrikuntza Sailak 2030erako Zientzia, Teknologia eta Berrikuntza Planari proposatzen dion birformulazioari buruzko irizpen bat onartu zuen. Dokumentuak Euskadi 2030 ZTBPren eguneratzea jasotzen du, egungo egoerara eta epe ertain eta luzera euskal gizarteak aurre egin beharreko erronketara egokitzeko.

Bere erantzunean, Batzordeak irizten dio egokia dela ZTBP – Euskadi 2030 birformulatzea, Euskadik Europako testuinguru berrian duen lehiarako posizionamendua sendotzeko aukera baita, eta azpimarragarria eta positiboa iruditzen zaio “Giza Garapen Jasangarria” ereduan oinarritutako herrialde mailako estrategia globalean txertatzea. Txostenak, gainera, hobetzeko hainbat alderdi identifikatzen ditu, eraginkortasuna, gauzatzeko gaitasuna eta eragina indartzeko, bai enpresen eta industriaren lehiakortasunean, bai euskal gizarte osoa hobetzeko helburuan.

Euskadiko Ekonomia eta Gizarte Arazoetarako Batzordearen gomendio nagusien artean, enpresaren zentraltasuna indartzeko beharra nabarmentzen da, bereziki industriako ETEena, I+G+B politikaren lehentasunezko subjektu gisa. Batzordeak adierazi du euskal produkzio-sarea balio-kateen oinarri diren industriako ETEek osatzen dutela gehienbat, eta beharrezkotzat jo du berrikuntza sisteman haien parte-hartzea, lidergoa eta eskalatzea bultzatzera bideratutako garapen espezifikoa txertatzea.

Batzordeak egiaztatu du Planaren perimetroa zabaltzeak ikuspegia aberasten duela, baina sakabanatzeko arriskua ere badakarrela. Horregatik, txostenak azpimarratzen du garrantzitsua dela Planaren ildo estrategikoen zehaztapen maila homogeneizatzea eta baliabideen behar bezalako lehenespena eta kontzentrazioa bermatzea. Izan ere, Batzordearen iritziz, ildo batzuek garapen-maila handia dute, eta beste batzuek, berriz, deskribatzaileagoak dira. Zehazteko eta lehenesteko mekanismo argirik ezartzen ez bada sakabanatzeko arriskua sor dezake.

“Berrikuntzako itsasargiak” izenekoei dagokienez, Batzordearen iritziz industriako benetako xede bihur daitezke, baldin eta urte anitzeko finantzaketa nahikoa badute, balio-kate osoa modu eraginkorrean integratzen badute eta enpresa bultzatzaileen eta hornitzaileen parte-hartzea ziurtatzen badute. Era berean, zenbait tresna indartzea, erosketa publiko berritzailea, besteak beste, eta industria-inpaktuaren adierazle neurgarriak ezartzea proposatzen du.

Irizpenaren beste gomendioetako bat zientziaren eta industriaren arteko lotura indartzeko eta industria-eskalatzea bultzatzeko beharrari buruzkoa da. Euskadiko Ekonomia eta Gizarte Arazoetarako Batzordeak ikerketa aurreratuaren eta aplikazio industrialaren arteko zubi-programak bultzatzea planteatzen du, bai eta zientzia, teknologia eta berrikuntzaren euskal sisteman sortutako ezagutzaren enpresa-xurgapena modu sistematikoan neurtzea ere.

Batzordeak, halaber, Planaren esparru instrumentalaren egonkortasun, aurreikusgaitasun eta koherentzia handiagoa ziurtatzea proposatzen du, enpresek egutegi argiak, tresnen arteko bateragarritasuna (diru-laguntza eta fiskalitatea) eta administrazio-kudeaketaren sinplifikazio eraginkorra izan ditzaten.

Kualifikazio handiko talentua

ZTBPren helburu estrategikoetako bat kualifikazio handiko talentuaren oinarria handitzea da, trantsizio hirukoitzak eskatzen dituen gaitasun zientifiko, teknologiko eta profesionalak indartzeko. Ildo horretan, Euskadiko Ekonomia eta Gizarte Arazoetarako Batzordeak beharrezkotzat jotzen du unibertsitate publikoaren finantzaketa egokia bermatzea, eta planean jasotako zenbait ekimen hobeto zehaztea planteatzen du, hala nola Campus Atlantikoa edo Ikasketa Aurreratuen Zentroa, horien konfigurazioa, gobernantza, ezagutza-eremuak eta euskal unibertsitateekin lankidetzan aritzeko mekanismoak zehaztuz.

Irizpenak, gainera, komunitate zientifikoan hizkuntza-aniztasuna bultzatzeari buruzko gogoetak jasotzen ditu, eta ikertzaileei euskararen ikaskuntza errazteko eta neurriak ezartzea baztertzailea ez dela bermatzeko baliabideak indartzea proposatzen du.

Zentzu komunitarioa indartzea

Batzordeak hobekuntzak sartzea proposatu du polarizazioaren, desinformazioaren edo desberdintasun sozialen aurkako borroka bezalako alderdiak indartzeko, bai eta adierazle espezifikoak txertatzea eta gizarte-eragileekiko elkarrizketa soziala aintzat hartzea ere ezagutza adituan oinarritutako politika publikoak egiteko prozesuetan.

Euskadiko Ekonomia eta Gizarte Arazoetarako Batzordeak modu positiboan baloratzen du Euskadi 2030 ZTBPren birformulazioa, baina arrakasta ildo estrategikoak zehazteko, baliabideak kontzentratzeko, enpresen protagonismoa indartzeko eta aurreikusitako tresnak produktibitatean, enplegu kualifikatuan eta enpresen hazkundean benetako eragina izateko duen gaitasunaren araberakoa izango dela adierazten du, hori guztia euskal ekoizpen sarearen lehiakortasuna indartzeko eta Euskadiren garapen ekonomiko jasangarrian laguntzeko helburu partekatuarekin.

Euskadiko Ekonomia eta Gizarte Arazoetarako Batzordeari buruz

Euskadiko Ekonomia eta Gizarte Arazoetarako Batzordea Eusko Jaurlaritzaren eta Eusko Legebiltzarraren erakunde aholku-emailea da, Euskal Autonomia Erkidegoko politika ekonomiko eta sozialean interes ekonomiko eta sozialek duten partaidetza eraginkorra izan dadin. Bere izaeraren arabera, eginkizun hauek dagozkio, besteak beste: Eusko Jaurlaritzaren ekonomia- eta gizarte-politikaren arloko arau-proiektuei eta plan orokorrei buruzko nahitaezko txostenak prestatzea, eta Eusko Jaurlaritzari gai horri buruzko proposamenak egitea.

(Ikus 1/26 irizpena)

The post Ekonomia eta Gizarte Arazoetarako Batzordearen irizpena Eusko Jaurlaritzaren 2030erako Zientzia, Teknologia eta Berrikuntza planaren birformulazioari buruz appeared first on CES Vasco.

The post Lehiakortasunari eta gizarte-ereduari buruzko Europako mintegia, Espainiako CESek antolatua appeared first on CES Vasco.

The post Euskadiko ekonomia eta gizarte arazoetarako batzordeak garrantzi sozial handiko dekretu-proiektuei eta Euskadi 2030 industria planari buruzko 17 irizpen eman zituen 2025ean appeared first on CES Vasco.